-
Gaskkas (reatká)
Dás oainnat gaskkasmurjjiid
Gaskkas (reatká)
NAMMA: Gohčoduvvo sihke reatká ja gaskkas sámegilli. Latiinnagillii ges gohčoduvvo Juniperus communis. Dárogilli gohčoduvvo Einer.
DÁLKKAS:
- Gaskkas lea dálkkasšaddu, dat dálkkoda
- ja buhtista rupmaša. Dat buorida gožžanváivviid, leasmmi ja váiduda gosahaga ja nuorvvo.
- Šattuin sáhttá doidit vuovttaid vai vuovttat šaddet litnásat ja šealgadat. Šaddu veahkeha maiddái ganaid vuostá.
ÁDNOGUOVLLUT: Gaskasis sáhttá geavahit sihke ruoná osiid ja murjjiid. Gaskkasmuorjjit leat unna muorjjažat mat šaddet gaskasis. Murjjiin lea ruoná dahje čáhppes ivdni. Ovdal go laddet daiguin lea ruoná ivdni, laddan murjjiiguin lea čáhppes ivdni. Gaskkasmuorjjit láddet sullii golmma jagis. Murjjiid galgá goikadit vai gálgá sáhttit atnit daid máisttan bibmui dahje dálkasiin.
Historjjálaččat leat šattut ja urtasat duháhiid jagiid adnojuvvon dávddaid dálkkodeapmái. Sihke sarridat, joŋat, luopmánat, čáhppesmuorjjit, reatkkát, hádjarássi, horbmá, vuolporássi, boska, soahki ja guohcarássi leat álbmotdálkkodeamis adnojuvvon iešguđet givssiid dálkkodeapmái
DOLOŠ SÁMI ÁRBEVIERUT: Gaskačázis lávejit luvvadit ovdamearkka dihtte garran čázehiid. Ovdalis áiggi lávejedje reatkkáid boaldit vuojehit bahávuoiŋŋaid eret. Suovva bálda eret bahávuoiŋŋaid.
DEHALAŠ DIEDUT: Áhpeheamit, ja olbmot geain leat manimušváttut, eai berre geavahit reatkká.
Gáldut:
Sámi árbevirolaš šaddo diehttu
Einer(22.09.2013) http://www.rolv.no/urtemedisin/medisinplanter/juni_com.htm >[Lohkandáhton 18.09.2015]
Lukkari,Heikkiarmas. Lukkari, Toivo (2006):Šattut Sámis, Davvi Girji OS, Kárášjohka. Norga
