Miehtaskážir

• Posted on Åsa Márgget Anti
• in Šattut, Ukategorisert
• on september 23, 2015
• No Comments.

SAM31 – Aina Helene Guttorm Einarsen

NAMMA
Miehtaskážir gohčoduvvo maid hádjarássin ja sarvvarássin sámegillii, latiinnagillii Filipendula Ulmaria ja dárogillii Mjødurt.

BIEBMU
Miehtaskážiris lea garra mandel-lágan smáhkka ja mii sáhttit juhkat sáftta mii boahtá njuolga šattus, dahje seaguhit dan ovdamearkka dihte čáziin. Šattu sáhttá maid máisttan geavahit borramušas ja juhkamušas, omd. goikadit lasttaid ja ráhkadit teaja, dat galgá vissa veahkehit oaivebákčasa vuosttá.

DÁLKKAS
Rásis leat maid buorit dálkkaslaš iešvuođat, dego ahte dat sisttisdoallá acetylsalisylsuvri, mii váiduda sihke bákčasa, febera ja vuolšši (betennelse). Sáhttá šattu borrat jos lea omd. čoavjehávvi, nuorvu, luhčadávda, gosahat dahje váibmobuozalmasat.

Dološáigge atnui dábálaččat Miehtaskážir háviid ala, danin go dat sisttisdoallá ávdnasiid mat dahket ahte šaddu bisseha vara. Dat lea maid máŋga láhkai buorre lihkái, dat buhtista lihkki ja veahkeha ihtalumiid vuostá omd. jos lea čáhceruobbedávda dahje bárkodávda.

Gáldut:

Filipendula Ulmaria <http://www.nordaflora.no/filipendula_ulmaria.htm>[Lohkanbeaivi: 23.09.2015]

Våre råvarer <http://www.nordlysmat.no/#!-ravarer/c1mww > [Lohkanbeaivi: 23.09.2015]

Filipendula Ulmaria <http://www.topwalks.net/plants/white/filipendula_ulmaria_03.htm> [Lohkanbeaivi: 23.09.2015]

Mjødurt <http://www.rolv.no/urtemedisin/medisinplanter/fili_ulm.htm> [Lohkanbeaivi: 23.09.2015]