Buvroláibi

• Posted on Ellen Cecilie
• in Ukategorisert
• on august 16, 2016
• No Comments.

Bokhvete buvruláibi

Mun láven dávja bidjat láibedáiggi buvruloahpaiguin. Dán háve ledjen luvvadan bokhvetegordniid ja vuoššan buvrun. Das bázi vel sulli 4-500 grámma man seaguhin láibedáigái. Láven maid hávvárrievnnaid ja hirserievnabuvrruid seaguhit. Jus lean quinoa vuoššan gaskabeivviide de láven dan ges seaguhit láibedáigái.

Daga na:

Seagut dan buvrru mii dus lea ja lasit eanet jáfuid ja čázi dahje liema. Mun atnen ges čáhcekefiira. Botkkal veahá sálttiid. Seagut jeasta loika čáhzai ja fiero dáigái. Divtte geavvat ja njoara láibefoarbmáide gos divttat fas geavvat oanehaš botta. Goikat ommánis sulli 60 minuvtta 180-200 grádas. Lasit lieggasa dan mannjemus 5 minuvtta nu ahte veahá boalddestat.

Mu seaguhus lei ná:

480 grámma bokhvetebuvru

400 grámma jáfut

90 grámma hávarrievnnat

76 mándeljáfut

3-5 dl čáhcekefira

10 grámma njuoska jeasta

Dát dáigi šattái oalle njárbat, muhto dat ii daga maidege go dan galgá leiket láibefoarbmaide.