-
Áigemearit leat mearriduvvon dál :)
Vuosttaš gohkken ja bloggen
Mii deaivvadit vuosttaš háve vuosttaš vahkkoloahpa geassemánus. Dalle mii sihke gohkket ja blogget:) Boađe don nai.
- Bearjadaga geassemánu 5.beaivvi dii.17:00 – 21:00
- Lávvordaga geassemánu 6.beaivvi dii.11:00-17:00.
Sámi biebmu guossohuvvon
Biergu & Guolli
Biergu & Guolli lea temá. Mii ávkkástallat bohccobierggus ja ealgabierggus. Šaddet njálgga taco-bollat, goikebierggo kebaba ja mii geahččalit ráhkadit márffiid maid bassá dolas. De oahpat movt iežas márffiid ráhkadat ja movt álkit ráhkadit biergodáiggis unna taco bollažiid.
Čili meastu
Dán deaivvadeamis mii atnit garra máisttuid, dego chili, kayennebihppora ja ingefæra. De šaddá čilimeasttu hui njálggat mas lea vuoivvas, bohcconjuovčča, váibmu ja biergu. Dán sáhtát atnit láibesuvlin. Ruovttudahkkon vuoivvasmeasttu lea mihá dearvvašleabbo go rámburostojuvvon. Dás leat dehálaš vitamiinnat nugo A ja D vitamiinnat, ruovdi ja B vitamiinnat.
Njuoska guolli
Don leat sihkkarit gullan sushi birra. Mii galgat oahppat movt guollái bidjat sitrovnna ja máistagiid nu ahte dat šaddá hui dearvvašlaš ja njálggat borrat. Mii galgat maid lánastuhttit guoli, mii dárogillii lea «grave». Dihtetgo ahte ovdalašáigge láveje ollu biebmu borrat mii ii lean liggejuvvon? Das leat dakkár enzymat mat leat veahkkin mollet biebmu čoavjjis ja veahkeha buori mielkesivrrabaktearaid liikot doppe.
Dápmot lánastuhttojuvvo
Meađđemat
Čuovžžas lea meađđen čakčat ja mun lean vurken dan nu ahte mii beassat ávkkástallat go ráhkadit čuovžapita mas lea meađđenseaguhus.
Pizza ja láibi
Mii dárbbašit pita láibbiid ja mii oahppat movt polarláibbiid sáhttá ráhkadit álkit ruovttus. Dát leat dearvašit go dakkárat main leat olu e-stoffat ja mat dagahit ahte riibet guhkibut go lea lunddolaš.
Niehtteláibi
Niehtti lea «nøtter». Mii ráhkadit siepmaniiguin ja nihttiiguin sihke dipmaláibbiid ja garraláibbiid. Dát heivejit dutnje gii it obage bora nisujáfuid dahje it gierdda daid.
Bárkoláibi
Mii seaguhit bárkku maid viežžat luonddus láibedáigái. Dat addá ođđa smáhka. Dá lei vuohki dološ áigge movt ráhkadit láibbiid go eai gávdnon nu álkit jáfut.
-
- Barkoláibi
Sohkar bollat
Mii maiddái ráhkadit bollaid main lea sohkar ja muorjemeastu. Mun čájehan makkár vugiin luvvet eret gluten:a nu ahte dat ii leat nu váralaš gorudii ja buorebut mollejuvvo gorudis. Dát lea dehálaš máhttit nu ahte biepmu sáhttá addit dan energiija gorudii. Lea oainnat nu ahte ollu jáfut dagahit ahte mii eat gierdda ja dalle eatge nagot ávkkástallat dan iežamet gorudiin. Muhtin olbmuin šaddet čoavjebákčasat ja earát ges váivašuvvet eará dávddain.
Čális iežat gulahallandieđuid dás vuolábealde jus háliidat oažžut e-bostii dieđuid ja ođđasiid sámi biebmu birra
