Mannan doaimmat / tidligere prosjekter
Dáppe leat dieđut ovddit bloggen ja gohkken doaimmas.
Giellagiisá giellaguovddáš biepmoráhkadankurša nuoraide 2015:is lea loahpahuvvon.
Manne
Don gii leat nuorra dárbbašat maiddái rievttes borramuša nu ahte doalat iežat dearvvašin ja oažžut buoremus vuođu iežat šaddamii. Nuorat bessetge oahppat movt biepmu maid borra váikkuha loaktimii ja moktii.
Guovdageainnus lea biebmokultuvra hui nanus ja dát galggašii fievrreduvvot nuorat bulvii maiddái. Dát biebmoráhkadandoaibma lea Guovdageainnu suohkana Giellagiissá giellaguovddáš doaibma, man bokte mii háliidit riggudahttit nuoraid sámegiela geavatlaš bargguid bokte.
Geasa
Dát fálaldat lea dutnje gii leat nuorra olmmoš, hálddašat sámegiela ja leat gaskal 15 ja 25 jagi. Jus beroštat veahášge oahppat ja ieš ráhkadit biepmu, dahje háliidat diehtit biepmu ja dearvvašvuođa birra, de lea dát dutnje!
Maid
Mii galgat ráhkadit biepmu, govvet ja blogget dan birra sámegillii. Ulbmil deaivvademiiguin lea ahte don gii leat nuorra beasat oahppat sámi ja báikkálaš biebmoárbevieruid birra. Go mii govvet ja čállit maid leat dahkan, mii oahppat ja lea álkibut muitit maŋit áigái maid leat bargan. Visot min doaimmat leat sámegillii.
Bloggii maid mii ásahit čohkkejuvvojit dieđut, govat ja biebmoneavvagat nu ahte beasat ieš fas ohcat movt don ráhkadit dán ja duon biepmu. Dieđusge besset eará olbmot maid lohkat ja oaidnit maid mii leat bargan.
-
Vuosttaš gohkkendeaivvadeapmi lea geassemánu 5. ja 6.beaivve 2015:is
-
Nubbi gohkkendeaivvadeapmi lea geassemánu 12.-13.beaivve 2015:is
-
Goalmmat gohkken ja bloggen deaivvadeapmi lea borgemánu 25.-26.beaivve
-
Njealjjat gohkken ja bloggen deaivvadeapmi lea skábmamánus 2015:is
Guovdageainnu suohkana Giellagiisá giellaguovddáš lágidii dán «Gohkken ja bloggen» biebmoráhkadan doaimma. Eará iešguđetge prošeavttat mánáide, nuoraide ja álbmogii muđui lágiduvvojit maid. Prošeavttaid ulbmil lea dikšut, seailluhit ja riggudahttit davvisámegiela, kultuvrra bokte, oahpahusa bokte ja vuođđoealáhusaid bokte.
Guovdageainnu suohkanis lea Inga Ragnhild Sara Gaino prošeaktajođiheaddji.
Váldde oktavuođa jus leat jearaldagat prošeavtta birra:
Inga Ragnhild Sara Gaino
Tlf: 78 48 71 92:
inga.gaino@kautokeino.kommune.no
Guovageainnu suohkana diehtojuohkingihppa
Čális iežat gulahallandieđuid dás vuolábealde jus háliidat oažžut e-bostii dieđuid ja ođđasiid sámi biebmu birra