Šattut maid čoakkat sámis šaddá luonddu pesto

• Posted on Ellen Cecilie
• in Ukategorisert
• on juni 15, 2015
• No Comments.

Pesto ráhkaduvvon luonddu šattuin;

Šaddo seaguhus ráhkaduvvon skvallergállain, uvlorásiin ja horbmánađain

Dá lea njuvddus maid sáhttá sihke láibbiin borrat ja seaguhit saláhtii. Sáhtát maid borrat lassin biergguin ja guliin jus háliidat eanet máhku dábálaš gaskabeivviide. Muhtimat lávejit maid buodnjut šattuid nugo rušpi, ruoná diehppegálla ja earttaid dego «dip´ain».

Dása mii seaguheimmet luonddu šattuid nugo uvlorási lasttaid, skvallergálla ja horbmáinađaid, oktiibuot 3-400 grámma, dasto seaguhit mollenmašiinnain ja lasihit luvvaduvvon mándeliid ja pinje-siskkožiid (50-100 grámma), 2 unna fatnasa vilgeslávkki, 100 grámma faskojuvvon parmesan-vuostá ja njárbet sullii 2 dl oljjuin, mii seaguheimmet sihke ađđamiid, čielga vuoja ja oliven-oljju. Mollenmašiidna galgá jorrat dasságo visot lea hui njárbat. Dasto lea gárvvis borrat. Gierdá orrut sullii vahku galbmaskábes siltta láse siste.

Food prosessor lea mollenmašiidna mainna lea álki ráhkadit pesto. Das lea S-niibii mii álkit molle.

Fiidnát lebbejuvvon maid pestoi dárbbaša; ruotnasiid, vuoja ja oljju, vilgeslávkki, nihtiid ja vuostá.

Gárvves pesttos lea ollu máhku ja lea njárbat. Dan vurke silttaláse siste galbmaskábes sullii vahkku.